CEBU CITY-Gidominar sa mga Cebuano Graduates ang bag-o lang natapos nga February 2025 Respiratory Therapist Licensure Examinations diin pito (7) niini ang nakasulod sa Topnotchers List.
Nasakmit ni Erma Mae Yongco Sanchez ang Rank 1 spot sa rating nga 94% gisundan ni Alyssa Jules Mendez Batausa sa Rank 2 nga natabla ni Zach Cedrick Nicol Bumanglag sa Cagayan Stat University – Andrews Campus sa rating nga 93%.
Sila si Sanchez ug Batausa gradwado sa Cebu Doctors’ University diin lima pa ka batchmates nila ang nakasulod na sa topnotchers list nga mao sila;
Rank 5 – Van Reil Viña Ligutom (91.75%)
Rank 7 – Zavanna Nigelle Amiah Apilar (91.25%)
Rank 8 – Jan Alesandra Vito Abangan & Christine Loi Igot Pantaleon (91%)
Rank 9 – Justine Mikhaila Co Naguit (90.75)
Mikabat sa 853 ka mga student-examinees ang mikuha sa nasangpit nga eksaminasyon diin ang Professional Regulation Commission maoy mopahibalo nga ang oathtaking ceremony sa mga nakapasar ipahigayon sa umaabot nga mga semana.
Sa ekslusibong pakighinabi Bombo Radyo Cebu kay Erma Mae Yongco Sanchez, Rank 1 sa maong licensure exam nga matod niya kay dako ang iyang pasalamat sa tanan nga nagsuporta sa iyang pagtuon, ilabi na sa iya pamilya, mga higala og sa mga magtutudlo sa iyang pagtuon sa medisina bisan pa nga matanyag kini nga “unsung heroes” iabi na inadtong pandemya.
Ang iyang tambag sa umaabot nga henerasyon nga mangandam og maayo sa ilang pagtuon aron makab-ot ang matam-is nga kalampusan sa katapusan.
