CEBU CITY-Gisugat og nagsunod-sunod nga mga sunog ang Dakbayan sa sugbo diin nahitabo sa upat ka residential area sa Guadalupe, Inayawan, Bacayan, Sitio Trinidad, ug Punta Princesa, lakip na ang usa ka mercantile sa Adlaon, ug tulo ka grass fire sa Tisa heights, La Guardina Lahug ug South Road Properties.
Sa ekslusibo nga pakighinabi sa Bombo Radyo Cebu News Team ni SFO2 Wendell Villanueva, Spokesperson sa Cebu City Fire Office gitataw niini nga gisugat ang ilahang adlaw og nagsunod nga mga sunog.
Pipila ka mga residente sa Cabajar St., Barangay Guadalupe, dakbayan sa Sugbo ang kinahanglang magbilin sa ilang mga butang kay nakaikyas sila sa sunog nga miigo sa usa ka balay nga ginama sa light materials mga alas 6 sa buntag niadtong Domingo, Enero 28, 2024.
Labing menos pito ka mga balay ang naapektuhan sa sunog.
Samtang nakaluwas sa ilang mga binuhing hayop ang amg residente sa Cabajar St., Barangay Guadalupe, dakbayan sa Sugbo sa dihang niulbo ang sunog mga alas 6 sa buntag niadtong Domingo, Enero 28, 2024.
Bisan paman sa sunod-sunod nga sunog walay gikataho nga nakalas.
