Gipasalig sa Philippine National Police (PNP) nga andam na ang ilang han-ay alang sa umaabot nga piniliay sa Mayo 12.
Gipasalig ni PNP Chief PGen. Rommel Francisco Marbil, anaa ang tanang pulis ug 100% andam sa pagmintinar sa kahapsay sa mga voting center nianang adlawa.
Matod ni Marbil nga lakip usab siya sa mga ipakatap alang sa piniliay ug magsugod na sila sa full alert karong adlawa, Mayo 3, siyam ka adlaw sa dili pa ang nasudnon ug lokal nga piniliay.
Samtang, 80% sa mga motabang sa pag-establisar sa kahapsay sa Bangsamoro Autonomous Region in Muslim Mindanao (BARMM) kay andam na karon sa mga lugar ning dapita.
Gipasalig usab ni Marbil nga ang piniliay karong tuiga maoy labing malinawon kon itandi sa nangaging mga piniliay sa miaging mga tuig.
