Hingpit na nga andam ang National Capital Region Police Office sa pagpatuman sa seguridad alang sa 2026 State of the Nation Address kon SONA karong Hulyo 27 sa Batasang Pambansa sa Quezon City, diin kapin sa 20,000 ka mga pulis ang ipakatap aron masiguro ang kalinaw ug kahapsay sa kalihokan.
Sumala sa NCRPO, naka-heightened alert status na ang kapulisan ug gilibkas ang tanang leave ug day-off isip kabahin sa komprehensibong security plan.
Gilauman usab ang mga pro ug anti-government nga grupo nga magpahigayon og mga rally, apan wala pa’y gi-isyung permit sa lokal nga panggamhanan.
Gipasiugda usab sa NCRPO nga ang pag-apruba sa mga rally permit anaa sa Local Government Unit kon LGU, samtang giandam usab ang mga lakang aron malikayan ang panagsangka tali sa nagkalainlaing grupo.
Posible usab nga ipatuman ang gun ban ug liquor ban sa adlaw sa SONA depende sa resulta sa security threat assessment.
