Giinsister sa Philippine National Police (PNP) nga wala silay nakitang napamatud-ang hulga batok kang Vice President Sara Duterte o sa iyang pamilya.
Kini human gipadayag sa Bise Presidente niadtong Sabado nga wala siya makabati nga luwas.
Atol sa iyang personal nga pagtambong sa Regional Trial Court sa Quezon City niadtong Sabado, Septyembre 5, nagpiyansa si Duterte alang sa tulo ka ihap sa kasong grave threats.
Sa pahayag nga gipagawas niadtong Sabado, miingon si PNP Chief PGen. Jose Melencio C. Nartatez Jr. nga wala pa makareport o makadawat si Duterte og bisan unsang hulga batok sa iyang kinabuhi o sa iyang pamilya, lakip na ang mga giingong hulga niadtong 2023.
Sumala sa PNP, naghatag sila og igong seguridad sa Bise Presidente atol sa iyang pagtambong sa korte sa Quezon City.
Dugang ni Nartatez, luwas nga nakagawas sa korte ang Bise Presidente human siya nakapiyansa og P120,000 alang sa matag ihap sa kaso.
Gipasiugda usab sa PNP nga lauman sa publiko nga ang mga pulis matinud-anon nga motuman sa balaod, mosunod sa kasamtangang mga polisiya ug pamaagi, ug motuman sa ilang mga responsibilidad sa propesyonal ug legal nga paagi.
