Magpabilin sa full alert status ang Philippine National Police (PNP) isip kabahin sa pagpangandam sa kapulisan alang sa dakong demonstrasyon sa umaabot nga rally sa Nobyembre 30.
Sumala sa tigpamaba sa PNP ug hepe sa Public Information Office nga si Police BGen. Randulf Tuaño, ang pagpadala sa PNP Directorate for Operations sa Mendiola area nagpadayon uban ang kapin sa 167 ka personnel nga naka-standby aron masiguro nga kining bahina sa Manila magpabiling malinawon kalabot sa nagpadayon nga mga protesta.
Gipasalig usab ni Tuaño nga ang pagpatuman sa maximum tolerance magpadayon gihapon base sa direktiba ni Acting PNP Chief Police Lt Gen. Jose Melencio Nartatez Jr. diin ang zero tolerance on violence hugot usab nga ipatuman.
Ang pagpadala sa PNP sa mga lugar nga gibantayan sa mga kapulisan kay magpabilin nga flexible sa pagkakaron.
Kung sa higayon ang pagpadala sa Mendiola area matapos dayon, kini usa ka senyales alang sa PNP nga ipaubos ang alert level niini.
Matod ni Tuaño nga ilang ipatuman usab ang ilang nakat-unan gikan sa mga nangaging rally, sama sa pagdala og mga armas sa pipila ka mga miyembro sa pulis sa Quirino Grandstand tungod sa dili maayong komunikasyon tali sa nag-organisar sa programa ug sa pulis.
Samtang, gawas niining mga pagpangandam, gihisgutan usab ang posibleng mga pagbag-o sa deployment ug bisan ang mga kahikayan sa seguridad alang sa dakong demonstrasyon sa umaabot nga mga adlawa.
Kahinumduman nga kini may kalabutan gihapon sa miaging September 21 Trillion Peso March Rally sa EDSA People Power Monument ug sa EDSA Shrine, nga gipangulohan sa lain-laing mga progresibong grupo sa pagpaningil og hustisya batok sa kurapsyon sa mga opisyal sa gobyerno ilabi na sa mga proyekto sa flood control.
