CEBU CITY-Nagpahigayon og pagtipon-tipon ang Philippine National Police sa Cebu sa mga religous groups leaders para hisgutan ang bago nga Oplan Tokhang.
Kini human nga giingon ni PNP Chief Ronald “bato” Dela Rosa nga sa bago nga himoong drug operation kinahanglan nga adunay presensya sa mga pari ug mga religous groups.
Misalmot sa maong panagtipon ang mga Catholic leaders sa Cebu, Muslim Community, pastors ug Imam.
Nagpagawas sa ilang mga nagkadaiyang opinyon ang mga nahisgutang leaders ug matud pa sa mga Catholic leaders nga dili sila sigurado niini tungod kay sigurado nga makaka-apekto kini sa drug operation gumikan kay wala man sila basic training ug basin hasta sila mapatay pa. Matud usab sa Muslim community leader nga si Ustadz Najeeb Rasul, willing sila niining bago nga paagi ug matud pa nga pirmi naman sila nga nagsuporta sa campaign against illegal drugs sa Sugbo.
Subay niini bisan paman sa mga nagkalahi-lahing opinyon sa mga religous group leaders sa nahisgutang panagtipon nagpadangat og mensahe si Konsehal Dave Tumulak kinang chairman commitee sa peace and order sa Cebu nga kung adunay muuban nila nga pari mas maayo ug gi-awhag niya kini nga dili lang sa simbahan angayan nga magsabwag sa pulong sa Diyos apan angyan nga mulihok ang mga kaparian ug mu-adto kini sa mga sitio dinhi sa Sugbo aron nga mas mapalig-on pa ang pagtoo sa mga tao. Kini tungod kay matud ni Tumulak nga kung hugot ang pagtoo sa tao sa diyos dili kini muhimo og dautan ilabin ang pagkagumon sa iligal nga droga.
