CEBU CITY – Wala una mitingog si Negros Oriental Provincial Director Police Col. Raul Tacaca human niya gidawat ang relieved order gikan sa kadagkuan sa Philippine National Police (PNP).
Kini subay na sa nagpadayong imbestigasyon sa nahitabong simultaneous police operation sa Negros Oriental niadtong Marso 30 nga gikamatay sa 14 ka mga mag-uuma ug gituohang mga supporters sa New People’s Army (NPA).
Sigon pa ni Tacaca nga mo-report una siya sa Police Regional Office-VII sa Camp Sergio Osmeña, sa dakbayan sa Sugbo.
Samtang gihuwat usab Provincial Police Director ang order kung asa siya ma-reassign.
Gawas ni Tacaca, girelibuhan usab sa ilang pwesto ang mga Chief-of-Police nga silang: Police Col. Patricio Degay sa Canlaon City Police Station, Police Lt. Roy Mamaraldo sa Manjuyod Police Station, ug Police Capt. Michael Rubia sa Sta. Catalina Police Station.
Kahinumduman nga miingon si PNP Chief Police Gen. Oscar Albayalde nga ang deputy chief maoy mamahimong in-charge sa mga nabakante nga pwesto.
Gitino hinuon ni Albayalde nga pinaagi sa relieved order, masiguro gayud nga patas ang gipahigayong imbestigasyon.
Nanghinaut usab si Tacaca nga mogawas lang unya ang kamatuoran.
