CEBU CITY — Hingpit ng gi-ablihan sa kapulisan sa Rehiyon 7 ang Sta. Catalina Police Sub Station kagahapon nga naa nahimutang sa Sitio Kakha Brgy. Talalac, lungsod sa Sta. Catalina, Negros Oriental.
Giila ang maong lugar diin naghitak ang mga miyembro sa rebeldeng grupo o sakop sa New People’s Army.
Tungod niini, gisiguro sa kapulisan ang pagpatuman sa pagbutang ug pag-abli sa substation sa naasoy nga lungsod.
Matud ni PBGen. Ronnie Montejo, ang Regional Director sa PRO-7 nga butangan og 30 ka mga pwersa sa kapulisan ang maong police substation diin mamahimo silang mudawat og reklamo ug uban pang serbisyo gikan sa kapulisan.
Dugang pa ni Montejo nga dili mokumpyansa ang ilang habig hinungdan nga magbutang kini og dugang pwersa gikan sa Provincial Mobile Force Company.
Lauman matud pa nga mabati ang maong serbisyo ngadto sa publiko sa sunod buwan.
Naa sa maong aktibidad si PBGen. Ronnie Montejo, Sta. Catalina Mayor Phoebe Obaniana Ligan, Brgy. Talalac kapitan Edmar Digay ug si PCol. Josefino Ligan.
