CEBU – Gipalambo pa sa Talisay Police Station ang police visibility sa ilahang dakbayan.
Saysay pa ni Police Leutenant Colonel Randy T. Caballes, ang hepe sa Talisay Police Station, nga mas gipahugtan pa nila ang police visibility sa maong dapit, samot na sa mga tawhanong lugar,ug paninguhaon nga daling masulbad ang bisag unsang krimen sa syudad.
Gipasidan-an usab sa maong opisyal ang tanang mga kriminal nga gusto modala ug kagubot sa dakbayan sa Talisay dili nalang sulayan ang mga sakop sa kapulisan.
Subay kini sa report nga adunay insidente sa pagpanulis sa maong lugar,hinungdan nga nihimo dayun ug imbestigasyon ang otoridad.
Dugang pa niini nga na identify dayun ang suspect sa maong insidente ug nihimo ug hot pursuit operation ,apan wala na ang suspect sa maong dapit.
Padayun ang “Oplan Bakal Sita” nga gihimo sa sakup sa kapulisan nga maoy hinungdan sa pagkasikop upat ka gituohang pick-pocketing ug snatching personalities.
