CEBU PROVINCE – Ipatuman gihapon sa probinsya sa Sugbo ang mga polisiya niini kabahin sa foreign arrival bisan pa man sa mga kabalaka nga gipadangat sa nasudnong kagamhanan.
Giklaro ni Cebu Governor Gwendolyn Garcia nga gisunod lamang niini ang mga protocols sa foreign arrivals nga daan nang gilatid sa Inter-Agency Task Force for the Management of Emerging Infectious Disease (IATF).
Gipunting ni Garcia ang probisyon sa IATF Resolutions No. 160-B and D nga angtugot sa pagpasulod sa mga wala pa nabakunahan nga mga traveller o biyahero ubos sa pipila ka kondisyon.
Gipasabot niini ang Seksyon C, No. 4 sa Resolution No. 160-D nga nagkanayon, “Ang mga langyaw nga makaplagang dili mosunod sa kondisyon nga gilatid sa Seksyon A(3) kinahanglan nga mopaubos sa facility-based quarantine hangtod mogawas ang ilang negatibong RT-PCR test nga gikuha sa ikalima (5th) nga adlaw.
Human niini, kinahanglan nga mopailawom sa home quarantine hangtod sa ilang ika-14 (14) nga adlaw, diin ang petsa sa pag-abot mao ang unang adlaw.
Gitahasan usab ang mga local government units of destination ug tagsa-tagsa ka Barangay Health Emergency Response Teams sa pagmonitor sa mga moabot nga mga pasahero nga gipa-ubos sa home quarantine.
Gihimug-atan sa gobernadora nga igo lang niini nga gisunod ang resolusyon sa IATF.
Una niini, mitawag ang Department of Interior and Local Government (DILG) sa atensyon sa Cebu Provincial Government sa Executive Order (EO) No. 3-2022 ni Garcia.
Kauban sa Department of Health (DOH), ang DILG niinsister nga kinahanglang tumanon sa Sugbo ang guidelines sa nasudnong kagamhanan sa pagdawat og mga langyaw nga turista.
