Gihimo ni Pope Francis ang iyang una nga pagpakita sa publiko sa sobra sa lima ka semana, diin nag-wave kini gikan sa iyang balkonahe sa ospital sa Gemelli sa Roma sa wala pa mobalik sa iyang kwarto.
Kahinumduman nga ang 88-anyos nga Santo Papa gidala sa tambalanan niadtong Pebrero 14 tungod sa grabeng impeksyon sa baga nga maoy nakaingon sa pagkadaot sa iyang panglawas sulod sa iyang 12 ka tuig nga pagka Santo Papa.
Diin ang mga doktor sa Santo Papa niingon nga magkinahanglan og dugang panahon pa nga pagpahuway aron hingpit nga maulian ang iyang lawas, ug ila usab siyang gimandoan nga mopahuway pa og duha ka buwan sa Vatican.
Samtang sakay sa iyang wheelchair, mipakita usab og pahiyom ug mi-wave sa nagtapok nga mga supporters grupo sa mga dumadapig nga nagtapok gawas sa tambalanan.
Daw hubag ang nawong sa Santo Papa, ug nagpabilin lang siya sa balkonahe sa pipila ka gutlo.
Ingon man nga mihatag siya og mubo nga pasalamat sa iyang hinay nga tingog ngadto sa sakop sa panon nga nagdala og yellow nga mga buwak.
