Nipahinumdom si Pope Leo XIV nga ang kalibutan dili angay mopadayon sa mas taas nga lebel sa panagbangi sa tibuok kalibutan, sa pagsugod sa iyang unang biyahe sa gawas sa nasud ngadto sa Turkey.
Magsaulog ang Santo Papa sa usa ka makasaysayanong anibersaryo sa Kristiyanismo atol sa iyang pagbisita sa Turkey, sa dili pa siya moadto sa Lebanon, pipila ka adlaw human sa mga airstrike sa Israel sa kaulohan niini nga Beirut.
Kini nga mga pagbisita giplano pa sa ulahing Pope Francis, apan ang ilang nag-unang tema nga pagtukod og mga pagbisita sa lain-lain nga Nasud, gisagop usab ni Pope Leo sa higayon nga siya mitunob sa balkonahe sa St. Peter’s Basilica human sa iyang pagkapili niadtong Mayo.
Nagpasidaan si Pope Leo nga ang mga nagpadayong gubat karon sama susama sa usa ka “ikatulong gubat sa kalibutan, apan gipakigbatokan sa managlahing lugar,” nga mao usab ang mga pulong nga kanunay gamiton sa iyang gisundan nga Santo Papa.
Kung diin,gitumong niini ang mga panagbangi sa Ukraine, Syria, Myanmar, ug ubang mga dapit.
Sukad siya nahimong Santo Papa unom ka bulan ang milabay, nagpakita siya og pagbati sa pagka-mabinantayon ug pagka-maalam sa internasyonal nga tensyon. Apan niining biyahe, masusi pag-ayo ang iyang gahum sa diplomasya.
Usa sa labing hinungdanong gutlo sa iyang biyahe mao ang pagbisita sa lungsod sa Iznik, Turkey, ang nahimutangan sa karaang siyudad sa Nicaea.
