Planong ipabilin ni Pope Leo XIV ang mga repormang unang gitukod ni anhing Pope Francis sama sa pagdawat sa mga mahuyang (gay) nga mga Katoliko, paghisgot sa ordinasyon sa kababayen-an ug paghatag sa China og input sa mga pagtudlo sa obispo.
Apan matod pa sa Santo Papa nga wala kini magplano og dagkong kausaban sa pamulong sa Simbahan.
Gipamahayag kini sa Santo Papa sa iyang pakighinabi nga gipagawas niadtong Huwebes.
Si Pope Leo nagpahayag usab ug kabalaka mahitungod sa politikanhong kahimtang sa Estados Unidos ug sa humanitarian nga sitwasyon sa Gaza.
Apan nagpakita kini sa iayng reserbasyon kon itandi sa iyang gisundan, diin ang Santo Papa naglikay sa direktang pagsaway kang US President Donald Trump o sa pag-ingon nga ang Israel nakahimog genocide.
Si Leo, kinsa nahimong unang papa sa US niadtong Mayo, nagpahayag usab ug kabalaka mahitungod sa politikanhong palibot sa US ug sa humanitarian nga sitwasyon sa Gaza. Apan nagpakita sa kinaiyanhong reserba kon itandi sa iyang gisundan, si Leo naglikay sa direktang pagsaway kang Presidente Donald Trump o sa pag-ingon nga ang Israel nakahimog genocide.
Gisubli usab ni Pope Leo ang hugot nga pagkondena ni anhing Pope Francis sa mga eskandalong sexual abuse nga naglambigit sa 1.4-bilyon nga miyembro sa Simbahan sa tibuok kalibutan, apan nagpahayag usab og kabalaka mahitungod sa bakak nga mga alegasyon batok sa mga kaparian.
Si anhing Pope Francis kinsa gipangulohang ang Romano Katolikong simbahan sulod sa 12 katuig kay mipadayag pag-2024 nga ang Israel kay posibleng nakabuhat sa genocide sa Gaza diin hilabihang gisaway kini sa mga pangu sa maong nasud.
