Misaka sa 1.41-milyones ang populasyon sa lalawigan sa Bohol sumala pa sa taho sa Philippine Statistics Authority (PSA).
Kini ang gibutyag sa buhatan diin sa nakalabayng upat sa tuig lang kay aduna kiniy averaged growth rate sa 0.33% matag tuig sa kinatibuk-ang 1.31% nga pagsaka.
Niadtong tuig 2020, ang populasyon sa probinsya kay anaa sa 1.39-milyon nga adunay pagsaka sa 18,397 ka mga residente matod pa sa PSA Bohol Chief Supervising Statistician Jessamyne Anne Alcazaren.
Nagpabiling nag-una sa pinakadak-ang ihap sa mga residente maop ang bugtong nga dakbayan sa Tagbilaran sa 106,120 gisundan sa lungsod sa Ubay sa 82,179 ug sa Talibon sa 71,450.
Laing mga lungsod nga nagsunod sa adunay pinakadako nga populasyon kay ang Dauis (53,864), Carmen (50,249), Tubigon (49,275), Inabanga (49,133), Loon (43,857), Panglao (41,760), ug Trinidad (37,191).
Ang mga pinakagagmay nga populasyon kay ang mga lungsod sa Sikatuna sa 7,031 ka mga residente, Corella sa 9,889 ka mga residente, ug San Isidro sa 10,228 ka mga residente.
