Gidid-an na sa kagamhanan sa Probinsiya sa Sugbo nga makasod ang mga live hogs ,meat ug meat products, ingon man co-mingled products nga gikan sa Davao region.
Kini human nga hingpit nang mipagawas ug kamandoan si Cebu Provincial Governor Gwendolyn Garcia sa tinguha nga dili makasulod sa Probinsiya ang mga kontaminado sa African Swine Fever kon ASF nga mga produkto gikan sa region 11.
Si Garcia nagkanayon nga ang maong lakang subay kini sa hugot nga kampanya sa Probinsiya batok ASF ug ingon man mao usab kiniy direktiba ni Presidente Rodrigo Duterte atol sa meeting niini didto sa kaulohan uban ang mga Local Chief Executive sa nasod.
Sa wala pa usab ang nahisgutang kamandoan sa Governadora, gitataw niini nga iya usang gitagbo ang mga local meat producers sa probinsiya aron sayron kung makaya ba nila ang pagsupply sa local demand sa karning baboy.
Gawas niini, nakig alayon usab ang gobernadora sa ubang mga Governors particular na sa Eastern visayas aron usab nga walay makasod nga ASF infected meat and meat products sa rehiyon samot nang nasudlan usab ang region 8 sa ASF.
Kini human nga nituo sila sa Memorandum Circular sa Department of Agriculture (DA) nga paglibkas sa pag ban sa mga live hogs,meat and meat products gikan sa nagkadaiyang bahin sa nasod.
Gitino usab sa gobernadora nga walay labot sa 90 diyas nga banning ang Davao sanglit infected na kini hayan, ‘indefinite’ gyud ang pagban sa mga pork product gikan sa naasoy nga region. (fdp)
