Adunay timailhan sa posibleng rollback sa presyo sa lana base sa upat ka adlaw sa pamatigayon karong semanahona.
Kini ang gipahibalo ni Energy Secretary Sharon Garin diin giklaro sa kalihim nga ang lima ka adlaw (Lunes hangtod Biyernes) nga basehan sa opisyal nga kwentada kay naghulat pa sa pagsira sa mercado sa dili pa mopagawas sa katapusang pahibalo.
Sumala ni Garin, kung magpadayon ang kasamtangang trend, mamahimong adunay pagkunhod sa presyo sa lana.
Apan posible nga kini mausab kung adunay pagtaas sa presyo sa katapusang adlaw sa pamatigayon.
Dugang niya nga ang opisyal nga pag-adjust ipahibalo karong adlawa aron malikayan ang bati nga espekulasyon.
Naglaum usab ang DOE nga ang posible nga rollback, lakip ang subsidy gikan sa LTFRB, nga makatabang ilabi na sa sektor sa pampublikong transportasyon.
Giangkon ni Garin nga gilauman usab niya ang rollback, nga mahimong unang maayong balita pagkahuman sa pipila ka semana nga sunod-sunod nga pagtaas sa presyo sa lana.
