TUBURAN, CEBU-Nagpahigayon sa Post-State of the Nation Address (SONA) Forum ang mga nagkadaiyang nasudnong ahensya sa gobyerno kagahapong adlawa sa Biyernes, Nobyembre 8, 2024 sa Municipal Covered Court sa lungsod sa Tuburan sa amihanang Sugbo.
Gipangulohan kini sa Presidential Communications Office (PCO) pinaagi sa Philippine Information Agency diin naglangkob sa temang “Cultivating Agriculture for Tourism Development and Opportunities under a New Philippines.”
Ang forum nagtumong sa pagpalapad sa mahinungdanong mga punto gikan sa ikaduhang SONA ni Presidente Ferdinand “Bongbong” R. Marcos Jr.
Usa sa mga highlight sa maong kalihukan mao ang caravan of services gikan sa mga piniling ahensya sa nasudnong kagamhanan.
Tumong usab sa maong kalihokan ang pag-highlight kung giunsa sa lungsod sa Tuburan, kinsa ang unang tinubdan sa panginabuhi kay ang pag-uma ug sa pagduso niini sa turismo nga makapalambo sa opportunidad sa lokal nga ekonomiya.
Ang maong forum gitambongan sa dul-an sa 350 ka mga coffee ug regular farmers gikan sa 35 ka barangay sa maong lungsod.
Ang mga partisipanteng rehiyonal nga ahensya sa government service caravan naglakip sa Department of Agriculture (DA), Land Transportation Office (LTO), Philippine Statistics Authority (PSA), Department of Health (DOH), Department of Science and Technology (DOST), PAG-IBIG Fund, Department of Environment and Natural Resources (DENR), National Irrigation Authority (NIA), ug ang Department of Trade and Industry (DTI).
Samtang sa pikas bahin, dakong pasalamat sab ang gipaambit ni Tuburan Mayor Democrito Diamante sa gihimong aktibidad sa iyang lungsod og sa paghatag og pasidungog sa inilang kape ug sa mga mag-uuma niini.
