‘Potential whistleblower’ sa flood control projects, giingong niduol kang Justice Sec. Remulla

Gikatahong niduol kang Justice Secretary Jesus Crispin Remulla ang usa ka ‘potential whistleblower’ nga may kalabutan sa mga ghost flood control projects.

Matod ni Remulla, pinaagi sa abogado sa usa sa 15 ka kompanya nga gihinganlan ni Presidente Bongbong Marcos Jr., gibutyag sa maong abogado ngadto kang Remulla ang impormasyon kalabot sa ghost flood control project sa Central Luzon nga nagkantidad og P5 bilyones ka pesos.

Dugang niini nga andam ang abogado nga mokooperar ug mobutyag sa tanan niyang nahibaw-an bahin sa ghost flood control project sama sa modus operandi ug division to kickback.

Gipasalig usab sa buhatan sa DOJ ngadto sa uban nga gustong mahimong whistleblower nga sigurado ang ilang seguridad ug proteksyon gikan sa gobyerno.