CENTRAL VISAYAS-Padayong naglunsad ang Police Regional Office 7 sa intelligence-driven operations sa BIDA Program sa SILG nga dakog ikatampo sa pagkunhod sa suplay ug panginahanglan sa droga sa Central Visayas.
Hinungdan nga gikan sa Abril 30 hangtod sa Mayo 6, 2023 nakasikop ang kapulisan sa Central Visayas ug 89 ka mga drug personalities ug nasakmit ang kinatibuk-ang 1,508.47 grams nga shabu nga adunay Standard Drug Price nga PHP10,257,596.00.
Hinungdan nga gibayeg ni PBGEN ANTHONY A ABERIN, ang PRO7 Regional Director, ang kapulisan, gumikan sa walay puas nga mga paningkamot sa iyang mga sakop niini nga PRO-7 ug mipasalig alang sa padayong suporta ngadto sa marching order sa CPNP ug SILG sa pagpatuman sa mas agresibong anti-criminality operations.
Sa pikas bahin aduna usab silay gipahigaun nga mga operasyon sa ilegal nga sugal nga di mo minos 100 kabook ang mga dinakpan ug nasakmit ang P12,008.00 nga kinatibuk-ang pusta nga kwarta samtang ang loose firearm operations nakarekober sila og 16 ka walay lisensya nga armas, uga nakasikop ang 9 ka indibidwal.
Dugang pa, nga ang nag-ung-ong nga warrant of arrest sa 15 ka most wanted persons ug 66 ka laing wanted persons ang naserbisyuhan ug nadala sa hustisya.
