Gipahibalo ni US President Donald Trump ang pagpadala og 5,000 ka sundalo ngadto sa Poland, usa ka lakang nga miabut human niya giusab ang una niyang desisyon sa redeployment sa mga tropa sa Europe.
Sumala sa report, ang maong pahibalo nagsunod sa iyang nakalabay nga plano nga kanselahon ang pagpadala liboan ka sundalo nga kaniadto gi-destino sa Germany.
Nakurat ang pipila ka opisyal sa Pentagon tungod kay wala nila gilauman nga kalit nga mabag-o ang naunang desisyon sa administrasyon.
Kahinumduman nga una nang gipahibalo ni Trump ang plano sa pag-atras sa mga 5,000 ka sundalo gikan sa Germany, apan karon gibalik ug giusab kini pinaagi sa pag-redeploy sa maong pwersa ngadto sa Poland.
Wala pa naghatag og dugang detalye ang White House kabahin sa eksaktong oras sa deployment ug sa operational nga katuyoan sa maong paglihok.
