Gipahibalo sa Department of Justice nga ang status sa aplikasyon aron mahimong state witness sa giingong witness nga si alyas ‘Totoy’ o Julie ‘Dondon’ Patidongan magpabiling pribado ug dili ipahibalo sa publiko.
Sa usa ka eksklusibong interbyu sa Bombo Radyo Philippines, si Atty. Polo Martinez, tigpamaba sa departamento, midumili sa pagkumpirma kung si Patidongan nagsumite ba sa maong aplikasyon.
Miingon siya nga ang butang kompidensyal tungod kay iyang giinsistir nga ang status sa ebalwasyon sa prosekusyon sa mga testimonya, affidavit ug mga pahayag nga gipaambit sa opisina bahin sa kaso sa nawala nga sabungeros dili mahimong ipaambit.
Dugang niya, nga ang pagdumili sa pagkumpirma kung si Patidongan nagsumite ba sa aplikasyon aron mahimong state witness, aron mapreserbar ang integridad sa giandam nga ebalwasyon sa mga piskal.
Niining bahina, iyang gipaambit nga ang pagtino kung gikinahanglan ba ang usa ka ‘state witness’ alang sa kaso sa missing sabungeros anaa sa prosekusyon.
Dugang pa, nga adunay mga kondisyon nga hugot nga gipatuman alang sa presensya ug pagkuha og state witness sa kaso.
Kahinumduman nga nahuman na sa panel sa mga piskal ang pasiunang imbestigasyon sa mga reklamo nga gisang-at sa opisina batok kang Charlie Atong Ang, Gretchen Barretto ug uban pa.
