METRO MANILA-Padayon nga misaka ang presyo sa karne sa manok sa Metro Manila dungan sa pagsaka sa panginahanglan.
Matod sa Department of Agriculture (DA), epekto kini sa ASF scare o kahadlok sa mga konsumidor nga mopalit og baboy tungod sa pagkaylap sa African swine fever (ASF).
Basi sa pinakaulahing price watch nga gipagawas sa DA alang sa Metro Manila, ang presyo sa manok nga gibaligya sa mga nag-unang merkado sa Metro Manila gikan sa P180 ngadto sa P240 matag kilo.
Mas taas kini sa P175 ngadto sa P210 matag kilo nga natala sa katapusang semana sa Hunyo, o sa wala pa ang kaylap nga pagkaylap sa ASF.
Kini bisan pa sa unang pagklaro sa DA nga ang karne sa baboy sa mga merkado luwas kan-on, bisan pa sa padayong pagsaka sa kaso sa ASF.
Samtang ang presyo sa karne sa baboy nagduwa sa P280 hangtod P400 matag kilo.
