Epektibo na karon ang price freeze sa mga batakang panginahanglan sa 7 ka mga lugar nga gikusokuso sa bag-ong bagyong Carina ug Habagat.
Matod sa Department of Trade and Industry (DTI), kining mga dapita naglakip sa Metro Manila, Batangas, Cainta sa Rizal, Cavite, Oriental Mindoro, Bataan ug Bulacan.
Basi sa giingon ni Trade Sec. Alfredo Pascual, adunay gamay nga pagsaka sa presyo sa mga batakang palaliton nga wala pay 1% apan maagwanta ra gihapon.
Gipasidan-an sa kalihim ang mga negosyo nga mosulay sa pagpahimulos sa kahimtang.
Matod niini nga ilang gipalihok ang monitoring teams aron higpit nga ipatuman ang price freeze diin ang mapamatud-an nga nakalapas niini.
Busa giawhag sa opisyal ang mga establisemento nga tumanon ang price freeze ug unahon ang kaayohan sa mga katagilungsod taliwala sa epekto sa nahitabong kalamidad.
