CENTRAL VISAYAS-Gipagawas sa Police Regional Office (PRO)-7 ang dakong pagkunhod sa krimen sa Central Visayas base sa ilahang naobserbahan gikan sa Enero 11 hangtod sa petsa 21, 2024.
Miubos og 20.91 percent ang krimen nga nahitabo sa Rehiyon 7 sa taho sa PRO-7 diin nakatala lang sila og 571 ka insidente nga may labot sa peace and order.
Kini mas ubos kon itandi sa 722 ka kaso nga natala sa Sinulog sa tuig 2023 gikan sa January 5 hangtod sa petsa 15, 2023.
Gibutyag ni Police Lieutenant Colonel Gerard Ace Pelare, spokesperson ni Police Brigadier General Anthony Aberin hepe sa kapulisan sa Central Visayas nga ang pagkunhod sa krimen sa Rehiyon nagpasabot kini nga epektibo ang gipatuman nga security measures sa PRO-7 aron magmalinawon ang Central Visayas.
Matod ni Pelare, ang Regional Director Police Brigadier General Anthony Aberin kinsa milingkod isip Task Force Commander dako kaayo og garbo sa accomplishment o performance sa security sector.
Kini ang usa sa pinakasegurado ug usa sa pinaka solemne nga selebrasyon sa Sinulog.
Gani ang crime rate sa Cebu City kon asa gihimo ang kalihukan sa Sinulog 2024 mikunhod usab gikan sa 39 ka kaso anaa nalang sa 29 ka kaso o 25.64 percent.
