CENTRAL VISAYAS- Gipalig-on sa Police Regional Office 7 (PRO7) ang kamahinungdanon sa pagpalambo sa kahanas sa mga police investigators, pinaagi sa espesyal nga pagbansay, nga hinungdanon alang sa pagpatuman sa malampuson nga mga imbestigasyon.
Kung diin si PBGEN ROY B PARENA, Officer-In-Charge sa PRO7, maoy nangulo sa closing ceremony sa Criminal Investigation Course Class 1103-2024/02-021-R7-2024-060 sa International Pharmaceutical Incorporated sa Mandaue City niadtong Martes, Nobyembre 26.
Ang mga nag-unang nanambong naglakip ni PCOL Ireneo Dalogdog, Hepe sa Regional Investigation and Detective Management Division; PCOL Maribel Getigan, Hepe sa Regional Learning and Development Division; PCOL Julius Sagandoy, City Director sa Mandaue City Police Office; PCOL Marlou Labarez, Regional Pastoral Officer; ug PLTCOL Erwin Fabroquez, Officer-In-Charge sa Regional Special Training Unit 7, uban sa ubang mga komitido nga opisyal ug facilitator.
Kinatibuk-ang 55 ka police non-commissioned officers gikan sa nagkalain-laing police units ang nakakompleto sa intensive 35-day training course.
Kini nga kurso gilaraw aron mapalambo ang katuyoan sa pagpauswag sa mga kapabilidad sa imbestigasyon sa mga personahe sa pulisya ug pagpalig-on sa relasyon tali sa pagpatuman sa balaod ug sa mga komunidad nga ilang gialagaran.
Sa iyang pakigpulong, si PBGen Parena mipahalipay sa mga gradwado tungod sa ilang mahinungdanong kahibalo ug kahanas nga dili lamang makapauswag sa ilang pagka-epektibo isip mga imbestigador apan makamugna usab ug malungtarong positibong epekto sa mga komunidad nga ilang gialagaran.
