Cebu City– Giklaro ni PRO-7 Director Police Chief Supt Noli Taliño nga walay specific ug direct threat sa kidnapping gikan sa mga teroristang grupo ang Central Visayas partikular na ang Cebu ug Bohol. Kini human sa subli nga pagpagawas sa travel advisory sa U.S Embassy kalabot sa gikaingong hulga sa kidnapping sa mga teroristang grupo sa mga Amerikano nga nia karon sa nasud.
Sa eksklusibong pakighinabi sa Bombo Radyo ni Talino , gibutyag ni ini nga naka full alert status karon ang kapulisan dinhin sa Central Visayas human sa pag host ni ini ug ASEAN Summit sa tinalikdang semana ug sa umaabot nga pagpahigayon usab niini sa sunud semana didto na usab sa probinsya sa Bohol. Matud ni Taliño gawas sa kapulisan naka alerto usab ang Philippine coastguard ug ang Armed Forces of the Philippinessa sa pagbantay sa seguridad atol na usab sa Semana Santa.
Taliwa ni ini gipamonitor gihapon ni Taliño ang report gikan sa U.S Embassy. Subay ni ini gitahasan ni Taliño ang tanang police stations dinhi sa rehiyon 7 nga e intensify pa ang ilang intelligence monitoring ug pagpahigayon ug mga checkp[oints aron sa pag monitor sa posibleng pagsulod sa mga teroristang grupo.Nakig-alayon na usab ang kapulisan sa mga resort ug hotel operators kalabot sa implementation sa ilang security plan.
Gipahimangnuan naman ni Taliño ang publiko nga dili magpanic inay magpabiling alerto ug vigilante ug ireport dayon sa kapulisan kung adunay mabantayan nga kadudahang tawo sa ilang lugar.
Nasayran nga mao na kini ang ikaduhang advisory nga gipagawas sa U.S Embassy kalabot pa hulga sa terorismo sa ilang mga citizens nga naa dinhi sa nasud diin gisingle out mismo ang Cebu.
