Giawhag sa Cebu Provincial Board (PB) ang mga institusyon sa edukasyon nga mopahigayon og mandatory anti-bullying orientation programs para sa mga estudyante, magtutudlo, ug mga kawani sa eskwelahan sa pagsugod sa academic year.
Kini nahitabo human ang body, pinaagi sa usa ka resolusyon nga gipasar atol sa regular session niini niadtong Hulyo 20, nagduso alang sa mas hugot nga pagpatuman sa mga polisiya batok sa bullying sa mga eskwelahan.
Gawas sa age-suitable anti-bullying orientation, girekomenda usab sa PB nga sigurohon sa mga eskwelahan nga aktibo ang ilang Child Protection Committees aron dali nga makatubag ug maka-interbenir sa mga insidente sa bullying.
Dugang pa, kinahanglan usab kini nga makigtambayayong pag-ayo sa ilang lokal nga social welfare and development offices, Provincial Youth Office, ug sa ilang mga barangay para sa localized intervention ug psychosocial support.
Sigon ni Cebu 1st District Board Member Antonio Bacaltos, nga kinahanglan nga pakusgon ang mga lokal nga kampanya sa kaamgohan bahin sa bullying ug dasigon ang aktibong partisipasyon sa mga ginikanan pinaagi sa Parent-Teacher Association (PTA) engagement aron masiguro nga ang Child Protection Committees sa tanang eskwelahan sa probinsya hingpit nga magamit.
Gipunting ni Bacaltos nga ang mga ginikanan ug magtutudlo adunay limitado nga awtoridad sa pagdisiplina sa mga bata tungod sa kasamtangang mga balaod sa nasud, dili sama kaniadto.
Gipasiugda ni Bacaltos ang kamahinungdanon sa maong mga lakang tungod sa impluwensya sa social media sa mga bata.
Mibutyag ang magbabalaod nga ang probinsya kinahanglan mohimo og mga lakang aron mapanalipdan ang kaluwasan, seguridad, ug kaayohan sa mga bata niini, tungod kay sila ang umaabot nga mga lider sa nasud.
