CEBU – Gipahibalo sa panggamhanan sa Probinsiya sa Bohol niadtong gahapon Huwebes, Septiyembre 22, 2022, nga gipaubos niini ang COVID-19 vaccination card isip arrival requirement.
Kini human si Gobernador Aris Aumentado niisyu sa Executive Order (EO) No. 32 nga giulohan og “Lifting the Requirement to Present COVID-19 Vaccination Card or Certification for Asymptomatic Travelers to Bohol.”
Matod sa kagamhanang probinsiyal sa usa ka pamahayag, nga ang EO gipirmahan niadtong Miyerkules, Septiyembre 21.
Apan, ang EO No. 32 nagkinahanglan gihapon sa mga inbound traveller nga ipakita ang ilang vaccination card kung sila adunay mga sintomas sa impeksyon.
Sa kasamtangan, gidasig ni Aumentado ang mga local government units sa iyang probinsya nga pakusgon ang ilang tagsa-tagsa ka COVID-19 vaccination drives.
