CEBU CITY-Nagpabilin ang Probinsya sa Sugbo nga labing adunahan nga probinsiya sa nasod Pilipinas sulod sa siyam na katuig.
Kini ang migawas nga resulta sa Commission on Audit’s 2022 Annual Financial Report on Local Government Units (LGU).
Niadtong nakalabay’ng tuig, gibutyag sa COA nga nisaka ang asset sa Probinsiya sa Sugbo sa P235, 738, 417 gikan sa P215.27 billion niadtong 2021.
Samtang nagpabilin ang mga dakbayan sa Mandaue ug sa Cebu sa probinsiya nga apil sa 10 nga labing datu nga mga syudad sa nasod.
Naapsan sa dakbyan sa Mandaue ang Cebu City human nga anaa na sa ika-unom ang Mandaue gikan sa ika-pito nga pwesto niadtong 2021.
Samtang nagpabilin nga labing datu nga syudad ang Quezon sa National Capital Region(NCR); ika-duha ang Makati City ug gisundan sa Manila City ug Pasig City, Taguig City, Mandaluyong ug Davao ingon man Paranaque.
