Cebu City-Gipahibalo ni Presidente Rodrigo Duterte nga delikado na kaayo ang panahon alang sa mga nalambigit sa ginadiling drugas.
Kini ang pamahayag sa presidente atubangan sa mga benepisyaryo sa Pantawid Program sa dakbayan sa Sugbo atol sa iyang pagbisita.
Matud ni Duterte nga nagpabilin ang problema sa ginadiling drugas sa probinsya sa Sugbo, ilabi na sa syudad sa Talisay. Tungod niini, mi hulga si Duterte nga iyang ipapatay ang si kinsa man nga makaguba sa nasud tungod lang sa iligal nga drogas.
Subay usab kini sa nahitabong Ambush ni San Fernando Mayor Neneth Reluya ug sa iyang bana sa may dakbayan sa Talisay kung diin gipasanginlan usab ang naasoy nga opisyal sa mayoralty candidate sa San Fernando nga si Ruben Feliciano nga “whistleblower” si Reluya ug ingon man nga si Cebu 1st District Cong. Samsam Gullas nga matud pa drug protector sa Talisay City.
Gisuwayan sa pagkontak sa Bombo Radyo Cebu si Cong. Samsam Gullas alang sa iyang habig apan wala pa kini muhatag og pamahayag. Nagpabiling abli ang Bombo Radyo Cebu alang sa habig ni Cong. Samsam Gullas
