Exempted na sa gisagpa nga taripa sa Estados Unidos ang kadaghanan sa agricultural exports sa Pilipinas diin ang kantidad niini sobra sa usa ka bilyon nga dolyar niadtong 2024.
Sumala ni Special Assistant to the President for Investment and Economic Affairs Sec. Frederick Go nga si US President Donald Trump nag-isyu og executive order nga ang mga produktong agrikultura nga wala gitanom o gihimo sa US dili na iapil sa reciprocal tariff ug daghan sa mga export sa Pilipinas ang wala gitanom sa US.
Saysay ni Trade Secretary Cristina Roque nga kini nga kalamboan makahatag og kahupayan sa mga exporter ug sa lokal nga industriya sa agrikultura. Kini usab makapalambo sa panginahanglan ug kalig-on sa presyo sa mga produkto.
Dugang niya nga ang pipila sa mga produkto nga wala gilakip naglakip sa coconut copra oil, coconut water, desiccated coconut, fruit juices, processed pineapples, confectionary goods, fresh ug processed bananas, tuna fillet, ug dried fruits.
Uban niini, 46% sa kinatibuk-ang export sa US ang wala nay labot sa reciprocal tariff diin ang produktong Semiconductor kay wala nay labot sa mga taripa sa US ug ang ubang mga export ipaubos sa 19% nga taripa.
Ang mando sa US naglangkob usab sa ubang mga nasud nga makatagamtam usab sa parehas nga paborableng pagtratar sa taripa. Ang mga opisyal sa Pilipinas miingon nga sila nagtrabaho aron mahimong mas competitive ang lokal nga industriya aron makahatag og mas maayong mga produkto. Usa sa mga importanteng programa mao ang pagtabang sa industriya sa lubi nga maoy pinakadako nga export sa agrikultura sa US.
