Protesta, niulbo sa Jerusalem nga nanawagan nga buhian ang mga hostage

Nagprotesta ang kapin sa 15,000 ka mga tawo sa Israel nga nanawagan nga buhian ang mga hostage.

Nanawagan sila kang Prime Minister Benjamin Netanyahu, nga uyonan na ang kasabutan nga buhian ang nahabilin nga mga gihuptan.

Kauban sa kilos protesta ang mga paryente ug mga tigpaluyo sa mga hostage nga gihuptan sa Hamas.

Ilang gilibotan ang tibuok Paris Square sa Jerusalem samtang ang uban anaa sa Tel Aviv.

Sa kinatibuk-ang 48 ka mga hostage sa Gaza, gibanabana nga 20 ang buhi pa.

Kahinumdoman nga moabot sa 251 ka mga hostage ang nadala sa Hamas sa ilang pag-atake sa Israel niadtong Oktubre 7, 2023, diin dul-an sa 1,200 ka mga tawo ang namatay.