Gihatagan og pagtagad sa Provincial Disaster Risk Reduction and Management Office (PDRRMO) ang pagpatuman sa “nature-based solutions” o mga pamaagi nga nakabase sa kalikopan aron masulbad ang padayong problema sa baha sa lalawigan sa Sugbo.
Sumala ni Dennis Pastor, ang PDRRMO Head, usa kini ka pagtuon kon unsaon paggamit ang mga natural nga solusyon nga lahi sa kasagarang “grey infrastructure” sama sa mga dam, ponding, o mga artipisyal nga istruktura sa tubig.
Gikanayon usab ni Pastor nga tumong sa maong pagtuon ang pagpangita og pamaagi kon unsaon “pag-sponge” sa Sugbo, ang pagpahinay ug pagpugong sa dagan sa tubig sa ibabaw nga bahin samtang gipapaspas usab ang pag-agay sa tubig paingon sa ubos aron malikayan ang pag-awas.
Dugang pa niya, nagpadayon ang pakig-alayon sa lokal nga gobyerno sa mga eksperto gikan sa University of San Carlos (USC) ug University of the Philippines (UP) alang sa maong proyekto, human usab sa gihimong pagtuon ug pagbisita sa Japan kauban ang Gobernador sa lalawigan.
Gihatagan usab og kalinaw ug pagpasabot sa PDRRMO ang publiko bahin sa paggamit sa P400 million nga pondo alang sa pagtubag sa mga kalamidad ug pagbaha sa lalawigan.
Diin matud ni Pastor nga ang bahin sa P400 million nga disaster fund gigahin lamang sa piho nga mga katuyoan sama sa disaster mitigation, prevention, preparedness, disaster response, ug early recovery and rehabilitation.
Dugang pa niya, gikan sa maong pondo, adunay 30% nga gigahin alang sa Quick Response Fund (QRF). Apan gihatagan og kaparehas nga pamaagi nga kini nga 30% nga QRF magamit lamang kon adunay opisyal nga declaration of State of Calamity sa lalawigan.
