PSA, gikumpurmar nga nihinay ang rice inflation sa nasud sa miaging buwan

Gikumpirmar sa Philippine Statistics Authority nga adunay gamay nga paghinay sa rice inflation niadtong buwan sa Abril.

Ug nagpasabot kini nga adunay paghinay sa presyo sa bugas sa mga kamerkaduhan.

Basi sa datus sa Philippine Statistics Authority, niigo lang sa 23.9% ang rice inflation sa buwan sa Abril gikan sa miaging 24.4% nga rice inflation.

Matud pa ni National Statistician ug PSA Chief Claire Dennis Mapa nga ang paghinay sa inflation sa bugas tungod sa pagkunhod sa presyur sa bugas sa internasyonal nga merkado.

Ingon man ang pagkunhod sa presyo sa well milled ug espesyal nga bugas sa miaging bulan.

Ang kasagarang presyo sa well milled rice niabot sa ₱56.42 matag kilo karong Abril samtang anaa sa ₱56.44 niadtong Marso.