Gianunsyo sa Philippine Sports Commission (PSC), sa pakigtambayayong sa Department of Education (DepEd) ug ni Olympic gold medalist Hidilyn Diaz, ang pagtukod sa labing dakong weightlifting academy sa nasod subay sa direktiba ni Presidente Ferdinand Marcos Jr.
Sa bag-o lang nga tigom, si DepEd Secretary Sonny Angara niingon nga adunay 300 ka mga tunghaan sa tibuok nasod nga adunay specialized sports curriculum, busa target sa programa ang weightlifting nga magsilbing ilang backbone.
Si Hidilyn Diaz, kinsa nakatukod na og kaugalingong weightlifting academy sa Jala-Jala, Rizal human sa iyang kadaugan sa Olympic niadtong 2021, kini magsilbi nga inspirasyon ug aktibong kauban sa programa.
Ang Department of Budget and Management (DBM) pinangulohan ni Secretary Amenah Pangandaman mipadayag sa hingpit nga suporta, nga nagkanayon nga ang gobyerno mogahin og P180 milyones alang sa proyekto.
Human ma-finalize ang listahan sa mga partisipante nga tunghaan, ang PSC, DepEd, ug Diaz pormal nga mopirma sa kasabutan. Ang PSC modonar usab og mga gamit sa weightlifting sa mga tunghaan ug magdasig og suporta gikan sa mga pribadong sponsor ug sports foundation.
Ang programa gilauman nga ilunsad pinaagi sa usa ka coaches’ summit sa dili pa ang opisyal nga pag-apod-apod sa mga ekipo.
