Dugan sa SONA ni Presidente Ferdinand Marcos Jr., libre na usab ang paggamit sa publiko sa mga track and field ovals sa Philippine Sports Commission (PSC) sa Pasig, Maynila, ug Baguio City.
“Simula ngayon, bubuksan ng Philippine Sports Commission ang kanilang mga oval para makatakbo kayo nang libre,” matud ni Marcos sa iyang ika-upat nga State of the Nation Address (SONA).
Ang maong lakang gitumong sa pagsulbad sa nagkataas nga obesity rate sa mga Filipino nga nag-edad og 20 pataas, sumala sa mga taho.
Gipasalig usab sa Presidente ang hingpit nga suporta sa gobyerno ngadto sa mga atleta sa nasud.
Iyang gitumbok ang mga duwa sama sa Palarong Pambansa ug Batang Pinoy Games nga ipahigayon sa General Santos City karong Oktubre, ug nagkanayon nga adunay ilusad nga national sports development program nga magtutok sa mga tunghaan.
