CEBU – Nagsuhid ang mga researchers og mga bag-ong kapilian sa pagtambal sa depresyon kini human adunay mga taho nga nakasinati gihapon og grabeng epekto ang nitumar sa tambal sa depresyon nga gireseta sa mga doctor.
Usa ka dakong prayoridad sa pharmaceutical industry ang pagpangita sa luwas, epektibo nga mga antidepressant gumikan kini usa sa labing kasagarang gireseta nga mga tambal sa Estados Unidos.
Karong bag-o, gitutokan sa mga tigpanuki-duki ang psychedelic drugs nga kaniadto giisip nga “recreational,” sama sa psilocybin, ang makahubog nga compound nga makita sa “magic mushrooms.”
Sumala sa tigdukiduki ug psychiatrist nga si Alex Kwan nga adunay daghang ongoing clinical trials aron masulayan ang mga psychedelics alang sa lainlaing mga sakit, lakip ang depresyon, obsessive-compulsive disorder, substance use disorder ug cluster headache.
Magdepende sa resulta sa clinical trials ang pormal nga pag-apruba sa maong compound nga ingon usa ka kapilian sa pagtambal.
