Gitakda na sa umaabot Marso 26, 2025 ang public hearing kalabot sa gisugyot nga ordinansang pagpalambo sa kantang Binisaya.
Giduso ang maong ordinansa ni Cebu City Councilor Joel Garganera nga nag-ulohan nga “Bisaya Music Preservation and Promotion Ordinance”
Nagtakda kini nga adunay 30% nga ipatukar nga mga kanta sa istasyon sa radio ug uban pa kay kinahanglan nga kantang Binisaya.
Bugti sa maong sugyot nga balaodnon sa dakbayan kay ang paghatag og tax incentives nga mahisubay gihapon sa lagda gikan sa Cebu City Treasurers Office (CTO) ug Business Process Licensing Office (BPLO).
Lain paghatag pasidungog ang idalit pud niini nga gikan sa Cebu City Cultural and Historical Affairs Office.
Ang mga gidapit nga mutambong sa maong public hearing kay mao ang Kapisanan ng mga Brodkaster ng Pilipinas (KBP) Cebu Chapter, kadagkuan sa industriya sa barko, operator ug management sa bus ug ubang pampublikong sakayan, representante gikan sa mga istasyon sa radio, mga manager sa mga dagkong patigayon susama sa malls, ug ang Cebu Chamber of Commerce and Industry.
