LAPU-LAPU CITY-Gitinguha karon sa kagamhanang dakbayan sa Lapu-Lapu ang pagtukod sa mga Public Transport stops sa mga kadalanan sa dakbayan aron makapahimutang sa mga pasahero sa higayong musakay ug kanaog kini.
Kini ang gitataw ni Lapu-Lapu City Councilor Marciano Alforque, chairman sa committee on transportation sa konseho sa maong dakbayan sa gisugyot niini sa pagduso og balaod sa hingpit nga pagtukod sa naasoy nga transport stops sa tanang pampublikong sakayan.
Naglakip sa mga lugar nga gipili aron butangan og transport stops mao ang nahimutang diha sa Barangay Mactan, Ibo, Pusok, Babag ug Poblacion.
Gipasabot sa konsehal nga ang maong proyekto dako kaayo og ikatabang aron maluag ang dagan sa trapiko ug kabahin usab kini sa modernizatiion program sa kagamhanang dakbayan.
