METRO MANILA-Nagpasidaan ang Department of Agriculture (DA) batok sa Avian Influenza (AI) o bird flu vaccines nga gibaligya online.
Kung kahinumduman, unang nagpagawas og pasidaan ang Bureau of Animal Industry (BAI) ug susamang pasidaan batok sa avian influenza vaccines nga mapalit sa nagkadaiyang online shopping platforms.
Sa usa ka online platform, gibaligya ang 100ml ug 200ml sa AI H5N1 vaccine doses sa kantidad nga P423 hangtod sa P790.
Dugang gipahayag ni Agriculture Assistant Secretary Arnel de Mesa, nga mamahimong makahatag og kakuyaw ang pagamit sa unregulated products ilabi na nga ang bird flu ang usa ka highly pathogenic.
Kung ugaling wala kini pagtugot sa Food and Drug Administration, kusganon kining gidili ug kon gani dili insakto ang bakuna, mamahimo kining poison sa tawo ug sa mga kahayupan.
