CEBU CITY-Gipahimangnuan karun sa PCOL Ireneo Dalogdog ang publiko subay sa pagbalik sa mga Fake Money o Mini nga kuwarta ngadto sa publiko, kung diin puntiryahon niini mao ang gagmay nga mga tindahan nga walay kapasidad sa pag-ila sa mga peke ug tinuod nga kuwarta.
Kini human nadakpan sa Sitio Mahayahay, Brgy. Pasil, Cebu City (CID-7) si Mario Pazon pinaagi sa entraptment operation nga namaligya ug peke nga kuwarta niadtong Hunyo 5, 2023 ug laing duhaang nasikop sa Lungsod sa Ronda.
Gibutyag ni Dalogdog nga nakig alayon sila sa CIDG 7 ug CPPO kalabot sa lawm nga pagkigsusi kabahin sa pagkatap sa mga peke nga salapi nga kasagayan mo katap ang maong fake money panahon sa dagkong kalihukan susama sa Sinulog, Pasko ug Eleksyon.
Lakip sa susihon sa kapulisan kung dili ba membro sa usa ka sindikato ang maong mga indibidual nga posibling gipakatap diri sa Sugbo harun lang nga mangilad.
