CEBU CITY- Patay ang usa ka pulis human kini ang gibanhigan sa riding in tandem sa Media Onse dakbayan sa Toledo.
Ang biktima ang giila nga si Police Master Sergeant Junar Cinco , 39 anyos ug sakop sa Provincial Drug Enforcement Unit sa Cebu Provincial Police Office. Matud ni Police Lt. Col. Janet Rafter , ang hepe sa Toldeo City PNP nga pasado alas otso ganihang buntag sa dihang nakadawat sila ug alarma kabahin sa nahitabong pagpamusil.
Sakay sa motorsiklo ang biktima kauban ang asawa diin gikan kini sila sa ilang balay sa Brgy Lutupan sa maong dakbayan. Wala hinuon maunsa ang asawa niini apan matud ni Rafter nga mga patal nga samad ang naakon sa biktima.
Samtang matud ni PRO7 Director Police Brigadier General Debold Sinas nga ilang gituohan nga mga sakop sa napatay nga drug lord sa Sugbo nga si Steve Go maoy suspek sa krimen. Kini human nga lakip si Cinco sa mga nag operate kagabie sa Brgy Basak San Nicholas batok sa gikaingong right hand ni Go nga si Gerly Luwage diin misangpot kini sa pinusilay nga gikamatay ni Luwage ug sa kauban niini nga si Junel Lasam.Human sa operasyon, mibahad matud pa ang grupo ni Go batok sa operating team nga manimawos kini sa kamatayon ni Luwage.
Padayon pa nga gipangita karon ang mga suspek.
