Ni-surrender ang usa ka police lieutenant colonel ug niangkon sa linuog nga pagpatay sa usa ka police executive master sergeant sulod sa Camp Bagong Diwa, ang headquarters sa National Capital Region Police Office (NCRPO).
Giila ang suspek nga si Lieutenant Colonel Roderick Pascua samtang ang biktima giila nga si Police Executive Master Sergeant Emmanuel De Asis kinsa nadestino isip non-commissioned officer sa Puerto Princesa Police Provincial Office (PPO) sa Palawan.
Subay sa spot report, ang tenyente niingon nga iyang gipusil ang sarhento human nasakpan nga adunay “intimate” nga relasyon sa asawa sa tenyente samtang anaa sa ilang apartment sa Married Non-Officers’ Quarter sa Camp Bagong Diwa niadtong Nobiyembre 28 sa gabii.
Giklaro usab sa taho nga ang asawa sa suspek usa usab ka polis nga adunay ranggo nga police executive master sergeant.
Matus sa tenyente, didto pa ang iya asawa sa panahon nga gipusil niya ang biktima sa living room sa quarter.
Suno sa suspek, gimanduan niya ang iya asawa nga magkuha og hacksaw o gabas.
Iya kining gigamit sa paghiwa sa lawas sa biktima, gisulod sa sako, ug gilubong sa yuta sa ilang ancestral house sa Baguio City.
Gihangyo sa mga imbestigador ang suspek ug ang iyang abogado nga paubanon sila sa compound sa ancestral house aron pagkubkob sa mga parte sa lawas sa sarhento niadtong Miyerkules, Disyembre 4.
Didto, narekober sa mga awtoridad ang duha ka mga kaso nga adunay mga parte sa lawas sa tawo, duha ka puti nga kamiseta, ug usa ka kahoy nga chopping board.
Ang mga nangaputol nga mga parte sa lawas gi-turn over sa funeral service sa Baguio.
Samtang, ang pamilya sa biktima niluwat og pamahayag nga ang krimen giplanohan sukad niadtong Marso 2024.
Ang pamahayag nipasangil usab nga ang krimen giplanohan nga ipatuman sa dihang ang sarhento miadto sa Manila.
Gihulagway pa nga ang duha ka mga “demonyo” ug mga kauban niini ang mihimo sa krimen.
Matud sa anak sa sarhento, isa kini ka setup nga nagresulta sa abduction og walay kaluoy nga pagtorture nga nagresulta sa kamatayon sa biktima.
