MANDAUE CITY,CEBU-Gipusil-patay ang usa ka Pulis sa P.Remedios St., Barangay Banilad, Dakbayan sa Mandaue sayo sa buntag Sabado, Hulyo 27, 2024.
Sa pakighinabi sa Bombo Newsteam kang Police Lieutenant Colonel Mercy Villaro, ang tigpamaba sa Mandaue City Police Office (MCPO), giila niini ang biktima nga si Police Staff Sergeant Orvin Seth Lim Felicio, kinsa nadestino sa police station 5 sa Mandaue City Police Office (MCPO).
Dugang pa ni Villaro, nga si Felicio, magkuha unta sa iyahang asawa nga mo-out na sa trabahuan atung higayuno.
Dihang adunay mga nag-roving nga personnel sa BPSO nga nalabyan ni Felicio, nga nag-gukod sa usa ka Menor de edad, hinungdan nga nitabang siya ug gigukod ang Menor De Edad gamit ang iyahang motor.
Sa dihang na-abtan sa Pulis ang suspek, iyahang gihinabi ug gipangutana kung unsay gihimo niini sa kadalanan ug gipapa-uli.
Apan, sa dihang mag-parking na siya sa iyahang motor, nakadungog nalang ug buto sa armas ang mga Tanod sa Barangay ug sa pag-responde nila sa dapit, ilang nakita ang biktima(Pulis) nga nabuy-od kilid sa karsada.
Adunay duha ka pinusilan ang biktima sa lain-lain nga parti sa iyahang lawas.
Ang CDRRMO misuway pagdala sa biktimang-Pulis sa tambalanan, apan wala na kini kinabuhi.
Gidugang ni Villaro, nga ang 16-anyos nga menor de edad gitugyan na sa Women and Children Protection Desk alang sa dugang imbestigasyon ug paghikay sa tukmang kaso.
