Gimando sa National Police Commission (NAPOLCOM) ang hinanaling pagtangtang sa usa ka pulis human sa kontrobersyal nga pagdumala sa mga patayng lawas sa iyang asawa ug anak.
Sumala sa NAPOLCOM, si John L. Mollenido, usa ka Police Senior Master Sergeant, ang responsable sa dili hustong desisyon sa pagdumala sa lawas sa iyang asawa nga si Police Senior Master Sergeant Diane Marie Mollenido, ug sa ilang walo ka tuig nga anak.
Ang duha ka biktima gipatay niadtong Enero, ug ang ilang mga lawas gilabay sa nagkalain-laing lugar sa Bulacan ug Tarlac.
Bisan pa sa nagpadayon nga imbestigasyon sa mga awtoridad, gihukman ni Mollenido nga ipacremate dayon ang mga patayng lawas, nga giingong nakapugong sa hustong proseso sa imbestigasyon.
Giingon sa NAPOLCOM nga ang maong aksyon mahimong ikonsiderar nga pagbabag sa hustisya ug pagtamper sa ebidensya.
Giinsistir usab ni Ralph Calinisan, Vice Chairman ug Executive Officer sa NAPOLCOM, nga tungod sa kabug-at sa mga aksyon ni Mollenido, ang angay nga silot mao ang iyang pagtangtang sa serbisyo.
