Cebu City- Samdan ang usa ka pulis human kini nakigpinusilay sa usa ka grupo sa notorious nga holdaper ug carnapper sa Sitio Mananga 2, Brgy Tabunok dakbayan sa Talisay.
Matud ni Police Supt. Marlu Conag, ang hepe sa Talisay City PNP, nagpaalim na karon sa tambalanan si PO1 Jaylord Joseph Taping human kini nakaangkon ug samad pinusilan sa dughan. Una niini pasado alas 3 ganihang kaadlawon sa dihang nagpahigayon ug surveillance ang kapulisan sa maong lugar, apan matud pa nga samtang padulong palang sila, gipabuthan na sila sa mga suspek.
Matud ni Conag nga dili mumenus sa 20 minutos ang pagsinukli-ay buto sa duha ka habig.Uwahi na usab namatikdan ni PO1 Taping nga nagkadugo na ang iyang samad sa dughan.Gikaingong ang ilang na engkwentro mao ang grupo ni Rolando Valdez alyas Alvin, kinsang responsable sa mga kaso sa tulis ingon man pagpangawat ug mga motor sa ilang lugar.
Wala na maabti sa mga pulis ang mga subject apan nagpadayon karon ang ilang hot pursuit operation.
