Gipahibalo ni Russian President Vladimir Putin ang tulo ka adlaw nga ceasefire batok sa Ukraine gikan Mayo 8 hangtod Mayo 10 aron sa pagsaulog sa ika-80 nga anibersaryo sa kadaugan sa Soviet Union ug mga kaalyado niini sa Ikaduhang Gubat sa Kalibutan.
Ang pahayag nahitabo human gisaway ni US President Donald Trump ang grabe nga pag-atake sa Russia sa Kyiv sa miaging semana, ug gipahayag ang kahadlok nga gibalewala siya ni Putin.
Sumala sa Kremlin, ang tanan nga mga pag-atake niini gisuspinde sulod sa tulo ka adlaw ug ang Ukraine gilauman nga mosunod niini.
Gipasiugda nila nga kung adunay mga paglapas, ang Russia maghatag og usa ka angay nga tubag.
Sa pagkakaron kay wala pa’y reaksyon ang Ukraine sa deklarasyon sa usa ka ceasefire.
Nasayran nga mao kini ang ikaduhang pahibalo sa ceasefire sa Russia human nagmando sa 30 ka oras nga ceasefire atol sa Pasko sa Pagkabanhaw, diin ang duha ka habig nag-akusar sa usag usa nga nakalapas sa kasabutan.
