Gikatakdang imbitahon sa Quad Committee ang giisip nga ‘King of POGO’ nga si Richard Lim sa ilang gipaabot nga final hearing kalabot sa isyu sa POGO.
Matod sa lead chair sa Quad Comm nga si Robert Ace Barbers sa miaging semana plano pa nila nga tapuson ang butang sa POGO.
Apan, tungod kay adunay bag-ong impormasyon nga nitumaw bahin sa usa ka Richard Lim, ang co-chair nga si Dan Fernandez miingon nga gusto niya nga imbitahon kini.
Dugang pa ni Barbers nga kung walay problema sa schedule sa court hearing ni Alice Guo kay motambong usab sila.
Sa samang higayon, gitun-an usab sa komite kon unsay mahitabo sa contempt order batok kang kanhi Kalihim Harry Roque.
Ingon man nga kon gani ilang i-terminate ang POGO, ang contempt order nga gipahamtang batok sa mga indibidwal awtomatik nga matangtang.
Kahinumduman nga gi-contempt sa Quad Comm si Roque tungod sa kapakyas sa pagsumiter sa mga dokumento sama sa SALN, income tax return ug deed of sale nga iya nang gisaad kaniadto nga ihatag sa komite.
