CEBU CITY — Gihimug-atan ni Magdalo congressman Gary Alejano nga nagpakahilom lang ang kasamtangang administrasyon mahitungod sa isyu sa panagbangga sa fishing vessel sa mga Chinese ug mga Pilipino sa West Philippine Sea.
Sa eksklusibo nga pagpakighinabi sa Bombo Radyo kang Alejano, kini nagkanayon nga “quiet diplomacy” ang gibuhat nga polisiya sa Duterte administration diin mahimo nilang masulbad ang problema sa diplomasya nga wala gipakapinan og mga pagsabasaba.
Matud ni Alejano nga nagpakahilom lang ang gobyerno sa isyu sa pagkaunlod sa 22 ka mga Pilipinong mananagat aron lang nga dili ma-offend ang China.
Dugang pa sa kongresista nga gitestingan ang isyu sa West Philippine Sea ang sinseridad sa China ilabi na nga nakig-alayon na kini sa gobyerno sa Pilipinas.
Gitataw usab ni Alejano nga limitado ang mga kahimanan alang sa pagmonitor sa kahimtang sa giilogang mga teritoryo sa nasud ilabi na nga gustong masayud sa katawhan kung unsay tinuod.
Misugyot usab kini nga mangayo og pasaylo ang China sa mga apektadong mananagat ug hatagan gayud sila og kompensasyon.
Hugot usab nga gibarugan ni Alejano nga barugan sa tanang mga Pilipino kung unsay sakto alang sa nasud.
